Këngëtarja Tuna nxjerrë albumin e saj në tetor

Muajt e fundit krahas angazhimit në koncerte dhe mbrëmje të ndryshme, këngëtarja Tuna është duke punuar në përfundimin e albumit të saj – të cilin planifikon të nxjerrë në treg në muajin tetor.

Në një intervistë për revistën “Spektër”, Tuna ka shpjeguar se albumi i saj i ri do të dominohet nga këngët e rrymave muzikore R&B.
Se a do të jenë këngët e saj hite – ajo nuk e di, mirëpo ka thënë se ‘të paktën e di të bëj këngë që do të dëgjohen edhe mbas shumë viteve”.
Sa i përket dashurisë Tuna ka thënë se ajo dashuron 24 orë në ditë dhe çdo sekondë – ndërsa në zemrën e saj dominon një person, “i cili është i pozicionuar aty sepse e ka merituar”.

Adelina Ismajli shtatzënë, apo jo?

Teknologjia e informacionit, në këtë rast interneti duket se është bërë përgjues mirëfilli ‘havale’ për personazhet VIP, aktorët, këngëtarët, politikanët… Këtij fati nuk i shmangen dot as VIP-at nga Shqipëria apo Kosova, të cilët shpesh bëhën pre e ‘spiunimit’ të çështjeve që prej atyre profesionale deri të jeta private, ku sigurisht një vëmendje të veçantë tërheqin thashethemet.

Këngëtarja nga Kosova Adelina Ismajli, përkundër komenteve për prezencë skenike të papërshkrueshme, për trupin dhe pamjen e saj sfiduese herë-herë e thjeshtë ndërthurur me tradicionale/moderne e herë-herë ekstravagante deri në paragjykim është një shembull i mirë e ‘presë’ së thashethemeve. Por përsëri dyshimet mbeten. Pas thënies së fundit që faktikisht nuk rezultoi si thashethem ku thuhej se Adelina është shkëputur për një kohë të pacaktuar nga të kënduarit pas problemeve serioze me fytin, kësaj here diçka më e dyshimtë ka gjetur ‘shesh’ për t’u përhapur rrufeshëm në trajtën e thashethemit. Sipas lajmit në forume të ndryshme në internet, fjala është për disa kilogramë që këngëtarja ka shtuar kohët e fundit, aq sa ajo ka vendosur të mos dalë më në skenë, duke shmangur kontaktet me publikun. Por jo vetëm kaq, ‘gojët e liga’ e lidhin këtë fakt me një shtatëzani të mundshme të saj. Dyshimet rriten në momentin kur një tjetër thashethem si ai për Diellza Kolgecin, këngëtare, ish-Miss dhe modele në Kosovë e cila mesa duket po e ndihmon këto kohë Adelinën për diçka të paqartë, për të cilën këngëtarja ‘rebele’ ka më shumë se kurrë nevojë për ndihmë. Gjithsesi ende asgje nuk është konfirmuar apo përgënjeshtruar nga Ismajli. Ne të “Bluetooth” kemi provuar të kontaktojmë si me Adelinën, ashtu edhe me të motrën Zanfinën por asgjë. Nisur nga ky fakt, nëse lajmi për shtatzaninë është i vërtetë, gjithcka që mbetët është te zbulohet se kush është babai i fëmijës.
 

Greta Koçi, vajza e brishtë që rebelohet

Xhirimet e klipit, që së shpejti pritet të jetë në ekranet muzikore shqiptare, janë realizuar në Maqedoni fundjavën e shkuar duke shfrytëzuar jo vetëm pamjet e ngrohta dhe romantike, që të dhuron liqeni, por edhe disa prej pikave turistike të qytetit të Ohrit. Jemi mësuar që në videoklipet e saj ta shohim zakonisht të ëmbël, lozanjare dhe të brishtë.
 

Këtë radhë Greta Koçi shfaq edhe karakterin e një vajze rrebele, të cilën një mashkull nuk e ka të lehtë ta bëjë për vete. Fustanet elegantë dhe provokues zëvendësohen këtë radhë nga pantallonat e shkurtra, këmisha sportive dhe atletet. Por duket se nuk ka qenë shumë e lehtë të xhirohej në të nxehtin e korrikut. Këngëtarja dhe i gjithë stafi që punuan me të, janë përballur në fakt edhe me temperaturat e larta të kësaj vere, që as freskia e liqenit nuk ka mundur t’i mposhtë. Greta KOçi në fillim të këtij muaji, premtoi se do të sillte jo vetëm një këngë të realizuar artistikisht, por edhe një videoklip shumë të veçantë, krejt ndryshe nga sa kemi parë deri tani në ekranet tona. “Zbulo sekretin”. Një titull intrigues, që sjell një këngë ritmike tepër të pështatshme për stinën e verës. Kënga është kompozuar nga Genti Lako ndërsa tekstin e ka shkruar poeti Arben Duka. Edhe pse e impenjuar në koncerte gjatë gjithë këtij sezoni Greta e ka parë si të arsyeshme të lançojë tashmë edhe një këngë të re, që nga sa mësojmë iu përket ritmeve folk të gërshetuara me modernen. Por ndërsa ka marrë në duar këngën e saj të regjistruar, këngëtarja nuk ka humbur kohë për të realizuar edhe klipin shoqërues të këngës, i cili pritet të jetë intrigues, jo vetëm në përmbajtje, por edhe në elementët vizivë. Por, tashmë që edhe shkolla ka përfunduar Greta Koçi ka një axhendë të ngjeshur me koncerte, që do të vazhdojnë deri në fund të vitit si brenda ashtu edhe jashtë vendit. Megjithatë pavarësisht impenjimeve artistike të stinës ajo ka programuar edhe ditët e pushimeve, që këtë vit së bashku me familjen kanë zgjedhur të jenë jashtë Shqipërisë në muajin shtator.

Jonida Maliqi nxjerr website-in personal

Këngëtarja e njohur Jonida Maliqi vetëm pak ditë më parë ka publikuar website-in e saj personal. Të gjitha të dhënat rreth këngëtares, dhe të rejat më të fundit gjënden në faqen zyrtare të saj në internet. Sapo klikon në adresën www.jonidamaliqi.com një portret i madh i saj të shfaqet përpara teksa të fton të futesh në brendësi. Faqja kryesore nis me një thënie ku citohet: “Të shprehesh me përpikmëri, kjo është nisja dhe mbarimi i çdo arti”. Në rubrikat që listohen përmendim Biografinë, ku tregohet gjithë jeta dhe krijimtaria e Jonidës, galeria e pasur fotografike, pjesëmarrjet e shumta në festivale të ndryshme si dhe mënyrat e kontaktimit me këngëtaren. Faqja është në rifreskim të vazhdueshëm për t’iu shtuar të dhënat dhe informacionet më të fundit rreth Jonida Maliqit.

Bullgarja Alessia kopjon kengen "Pa ty s'jetoj" te Shpat Kasapit

Me ne fund jo vetem po vjedhim, por dhe po na vjedhin. Nuk eshte ndonje gje e mire, por te pakten eshte nje vlersim indirekt qe na behet dhe po tregohet se muzika jone pelqehet ne Ballkan.

Kesaj rradhe eshte “Pa ty s’jetoj” e Shpat Kasapit, e cila eshte vjedhur nga bullgarja Alessia dhe prezantuar ne trgun muzikor bullgar nen titullin “Cherno Kafe” (Kafe e zeze). Me poshte mund te shikoni dy versionet e kenges:

Video - Pa ty s’jetoj



Alessia:Cherno Kafe

Violetë Kukaj me album të ri

Këngëtarja e mirënjohur kosovare Violetë Kukaj ka lansuar këtyre ditëve albumin, i 15-ti me radhë, me titullin “Një bilbil”, i cili përmban dhjetë këngë.

Albumi është edituar nga produksioni “Labia”, i cili edhe ka bërë sponsorimin e albumit.

Këngët e albumit janë “Bien tupanat”, “Hajde hyn në valle”, “Të thërras nga Prishtina”, “Eja topolake”, “U bana nuse Ramize”, “Një bilbil”, “Nga ke ardh”, “Jeta borxh nuk fal”, “Dy të mirat” dhe “Baladë për një nuse”.

Kukaj, pos albumit, ka lansuar edhe videoklipin më të ri të këngës “Hajde hyn në valle”, e cila është me motive të zakoneve shqiptare.

Shkurte Fejza me album të ri

“Pritëm nënë” është titulli i albumit të ri që ka lansuar këtyre ditëve në treg këngëtarja e mirënjohur Shkurte Fejza.

Albumi i 30-të i Fejzës përmban dhjetë këngë si “Lulet e kurbetit”, “Mori lule që lulëzon”, “Kosova Shqipëria”, “Pritëm nënë”, “Dy të mirat që janë dalën bahqe”, “Këngë për Besim Ndrecën”, “Sa gëzime ka kjo shtëpi”, etj.

Pos albumit, Fejza ka realizuar edhe videoklipin “Lulet e kurbetit”.

Pas sëmundjes përgatit rikthimin

Kam arritur në jetë më shumë se ç’kam dashur dhe do të vdes e lumtur që isha e para”, kështu është shprehur Adelina në një nga intervistat e shumta për mediat. E vërtetë, ajo ka qenë e para këngëtare shqiptare që ka thyer disa tabu në Kosovë dhe Shqipëri, ndërkohë që ne ishim mësuar me një model shabllon në skenat tona. E kush nuk e mban mend vajzën lozonjare më kaçurrela, e cila nuk ishte më shumë se 14 vjeç kur u shfaq në skenën e festivalit. Por në atë kohë askush nuk mund të imagjinonte që vetëm një vit më vonë ajo vajzë çapkëne do të transformohej në një femër seksi, duke mos ngurruar ta shoqëronte këngën me një striptizë sensuale.

Por ajo që të çudit është fakti se ajo edhe sot vijon të mbetet një këngëtare e veçantë edhe pse konkurrenca është mjaft e madhe. Adelina quhet fenomeni kosovar pikërisht për risitë dhe çudirat që solli në muzikën mbarëshqiptare. Gjithmonë ka pasur kuriozitet për të mësuar sa më shumë mbi jetën e saj private, e cila sipas imagjinatës së të gjithëve mund të ishte po aq interesante sa performanca e saj në skenë, mirëpo Adelina ka ditur të jetë e rezervuar duke mos bërë asnjë koment për këtë fakt, duke jua mbajtur antenat ngritur të gjithëve për të mësuar të renë e radhës “Made by Adelina”. Ja si shkruan një fans i Adelinës në një nga forumet shqiptare në internet: “Ajo është femra më seksi shqiptare. Adelina është yll muzikë, yll arti, yll seksi, yll lirie, yll rebelimi, yll afere, yll i sportit, yll pavarësie. Adelina Ismajli ka thyer akullin, Adelina ka çmendur meshkujt...”
E vërteta e sëmundjes
Eshtë parë për herë të fundit në skenë në koncertin e Vitit të Ri dhe më pas asnjë dalje e saj në publik, asnjë turne, madje thuhet se këngëtarja ka anuluar disa kontrata me mjaft leverdi. Sipas burimeve tona në Prishtinë, thuhet se Adelina ka marrë ftohje në mushkëri dhe situata është rënduar pasi ajo pi shumë cigare si dhe tepron me pijen. Tani mjeku i ka ndaluar rreptësisht jo vetëm cigaren, por ai kontrollon edhe dietën e saj. Thuhej gjithashtu që këngëtarja ishte për kura në Turqi, në Zvicër, dikush tjetër aludon se mund të jetë shtatzënë, por e kontaktuar në telefon nga redaksia, e ëma na pohoi se ajo është në Prishtinë, në fshat tek daja i saj. E pyetur nëse është e vërtetë që e bija do të tërhiqet nga kënga, ajo na u përgjigj: “Nuk e ka menduar asnjëherë, madje tani po përgatitet për klipin e ri dhe së shpejti do të jetë në skenë.” Gjithashtu e ëma e mohon faktin se e bija është e sëmurë duke mos dhënë më shumë detaje rreth fjalëve që qarkullojnë në media dhe ambientet artistike.

DaCraks se shpejti me nje album dhe videoklip te ri

Rep grupi DaCraks nga Kumanova/Maqedonia janë gati në perfundimin e albumit dhe si duket këto ditë do të fillojnë me inqizimin e nji video klipi,i cili klip do të jetë njikohësisht edhe video klipi i parë i këtij grupi.Sa për albumin mundeni vet të gjykoni duke e dëgjuar çdo këngë shkurt dhe me nje kvalitet te dobët por e kapshme për veshin: DEGJO KETU

Perveç kësaj tash doli edhe kënga më e re nga ky grup në bashkpunim me grupin B.L.X gjithashtu rep grup nga kumanova,të cilën mundeni ta shkarkoni këtu:

SHKARKO KETU >> DaCraks Feat BLX - Nuk ka forc

Sabri dhe Ermal Fejzullahu 2 videkolipe njëherësh

Mosha dhe për voja e gjatë në skenat shqiptare nuk është thyer, por përkundrazi duket se skena, kamera, këngët i japin jetë, çka e bën atë të rikthehet gjithnjë në intervale të shkurtra kohe. I thjeshtë, interpretues, origjinal… Kështu rishfaqet në një tjetër videoklip, më të riun këngëtari nga Kosova Sabri Fejzullahu.

Titulli i këngës ‘Konvikti numër 5’, ashtu sikurse dhe në këngë të tjera të bën të mendosh se brenda përmban një fabul të shkëputur nga jeta reale e çdokujt që ka përjetuar disa vite prej studenti në një shtëpi të përbashkët të emërtuar kahershëm konvikt. E në fakt përshtypja e parë nuk të gënjen, fitili i kuq i fabulës është dashuria mes 2 të rinjve, vendi i takimit? “Kovikti 5”. Një videoklip as më pak e as më shumë se i realizuar thjeshtë, në stilin e këngëtarit nostalgjik që rrëmben dhe shijet e publikut pse jo në moshë më të re. Por djali i tij nuk ka mbetur më pas. Në të njëjtën kohë Ermali publikon videon më të re ‘E shkuar e harruar’, që në fakt nga titulli duket si një bashkangjitje e titullit të këngës së babait të tij Sabriut ‘Konvikti numër 5’.

Flori dhe Argjend Lloga, stop klipeve pa kontroll…

Këngëtarët e njohur Flori dhe Argjend Lloga do të sjellin një element ndryshe në stilin e tyre të të kënduarit. Së shpejti vëllezërit Lloga do të paraqesin për fansat e tyre një album të ri dhe dy klipe. Edhe kësaj radhe, elementi melankolik do jetë pjesë e Albumit, por ata zbuluan larmin e rrymave që do përshkojnë 10 kompozimet e reja.  Si dhe pikat e forta dhe të dobëta të tyre…

Çfarë mund të na thoni për projektet tuaja më të fundit në fushën e muzikës?

Argjendi: Ka më shumë se një vit që po punojmë për albumin tonë të ri që besoj se do të dalë gjatë verës, pasi puna me kompozimet na ka marrë shumë kohë.

Çfarë lloj rrymash muzikore keni përfshirë në këtë album?

Flori: Ka larmi rrymash, ndryshe nga herët e tjera. Ka këngë të Shqipërisë së Mesme, këngë të veriut, turbofolk, moderne, balada etj.

Lexohet diçka ndryshe në këtë prodhim muzikor?

Flori: Mos t’i ngjajë asnjëra këngë tjetrës dhe të tregojmë se dimë të këndojmë të gjitha rrymat muzikore dhe mos të bëhemi monoton.

Arta Bajrami, me album të ri stilesh të përziera

“Albumi është i gatshëm, me dymbëdhjetë këngë të reja të rrymave të ndryshme”, ka thënë këngëtarja Bajrami.
Sipas saj, albumi më i ri, i cili deri më tani nuk është titulluar, do të shoqërohet edhe me një videospot. “Kam bërë edhe videospot, por aktualisht nuk dua të flas më shumë rreth tij, ngase dua të jetë befasi për publikun”, thotë Arta.
Ajo shton se, albumin e ka punuar për një vit, së bashku me vëllain e saj, Don Arbas, në studion e tyre.
“Albumi i ri dallon nga dy albumet e kaluara, ngase ka rryma të përziera të muzikës, si techno oriental, house, R&B, si dhe dy këngë balada, që konsideroj se janë shumë të mira”, ka thënë këngëtarja Bajrami.
Arta Bajrami, ndryshe njihet si këngëtarja e parë që ka promovuar zhanrin e R&B në Kosovë.

Skillz me album dhe videoklip të ri

“Albumi përmban shtatëmbëdhjetë këngë. Është bërë një punë e madhe për këtë album dhe falë shokëve dhe miqve tanë, ky album ka parë dritën”, thotë frontmeni i “Skillz”, Ledri Vula. Në këtë album “Skillz” ka bashkëpunuar me disa këngëtarë të njohur të skenës muzikore shqiptare si, Getoar Selimin e “Tingullit 3nt”, këngëtaren shkupjane Tuna etj.
“Përveç bashkëpunimeve me Tunën, Getin dhe Real 1, në tekste dhe kompozime, kemi bashkëpunuar edhe me Flori Mumajesin, këngëtarin dhe kompozitorin nga Tirana”, thotë këngëtari Vula.

Ndërsa, kolegu i tij, Visar Shala, thotë se, falë punës së palodhshme të producentëve të albumit të tyre, Dardan Belegu dhe Getoar Selimi, ata kanë arritur të realizojnë një album, ashtu siç kanë pasur dëshirë ata, pra një album tamam që frymon në kulturën e hip-hopit