Imri Trena u lind më 1961 në fshatin Begracë të Kaçanikut. U diplomua në Fakultetin e Bujqësisë në Prishtinë, drejtimi i përgjithshëm. Imriu, si çdo i ri tjetër, kishte shumë dashuri dhe dëshira në jetë, por njëra nga dashuritë e tij ishte më e veçantë dhe që kishte zën vend që herët në zemrën e tij, ishte dashuria për gjuhën e pastër shqipe; dashuria për artin dhe fjalën artistike. Kjo ishte edhe arsyeja që në rininë e tij të hershme filloj të merret me krijimtari letare dhe të krijoj vargje të bukura që i buronin nga shpirti. Kësisoj, Imriu shkruante dhe u kushtonte vargje e vjersha mësuesve dhe atyre që jepnin kontribut në përhapjën e dijës; bukurive të atdheut dhe vendlindjës së tij; heronjëve dhe ngjarjeve historike, dashurisë dhe ndjenjës për të bukurën. Krijimet e tija letrare i dërgonte dhe i botonte në gazetat dhe revistat e kohës. Kështu zë fill bashkëpunimi i tij me shumë media shqiptare dhe Imriu bëhet emër i njohur në rrethet e krijuesve të artit letrar. Vlen të përmendet edhe kontributi i tij dhënë mediave ndër vite: Radio Prishtina, Radio Tirana, Radio Ferizaj, Radio Gjilan dhe gjatë viteve të okupimit serb si korrespondent edhe në Radio Vat në Maqedoninë e Veriut.
Në vitin 1999, Imriu migroi në Norvegji. Atje, duke parë nevojen e domosdoshme të komunitetit shqiptar të mërgatës, për të ruajtë kulturën, doket, zakonet, traditat dhe identitetin kombëtar, merr iniciativën për të themeluar një radiostacion. Qëllimi ishte që përmes zërit të kësaj radio të jepte kontribut në mbrojtjën e mërgimtarëve nga asimilimi dhe në ruajtjen e gjuhës si dhe dashurisë për atdheun nga brezat më të rinj. Kështu, Imri Trena e themeloi, u bë edhe kryeredaktor dhe udhëheqës i Radiostacionit që u pagëzua më emrin “Zëri i Arbërit”.
Radio "Zëri Arbërit" menjëherë filloj të kryej misionin për të cilin ishte krijuar. U bë zëri arbëror i shqiptarisë në diasporë. U bë radiokanali më i dëgjuar në familjet shqiptare që jetojnë dhe punojnë jashtë atdheut. U bë radio me skemën programore shumë të qëlluar dhe që fliste veç shqiptarisht. S`ishte kjo rastësi, pasi Kryeredaktori Imri Trena kishte përvojë të pasur në fushën mediatike që nga rinia e tij e hershme. Është radio ku sot dëgjohet muzika e përzgjedhur nga tabani i vlerave kombëtare; dëgjohet fjala artistike dhe paraqitet fuqishëm shpirti i muzës shqiptare; dëgjohet nga goja e pleqëve të urtë krijimtaria gojore e popullit tonë si: fjalët e urta dhe urimet, anekdotat dhe proverbat, tregimet popullore dhe rrëfimet humoristike që gjithmonë përcjellin mesazhe të fuqishëm për zhvillimin dhe ruajtjen e vetive të mira njerëzore. Radio "Zëri i Arbërit", i krijuar tash e njëzet vjet më parë, është bërë shembull për të mirë. Shembull se si duhet punuar njeriu kur ka dëshirë të sinqertë, vizion të qartë e qëllime fisnik për t`i dhënë krah të mirës së përgjithshme të komunitetit të mërgatës dhe shpirtit shqiptar. Radio "Zëri i Arbërit" pothuajse tashmë dëgjohet në të gjitha familjet shqiptare që jetojnë jasht atdheut, madje edhe përtej Atlantikut e në Zelandën e Re. Posedon arkivin e pasur të cilin e ka ngritur me përkushtim të jashtëzakontë që nga dita e parë e themelimit, 2 Korrik, 2001.
Veç veprimtarive tjera të shumëta, Imri Trena u angazhua që të jepte kontribut me vlerë edhe në shkollën shqipe "Naim Frashëri"; 20 vite në Oslo, ku punon si arsimtarë që nga viti 2000; si dhe 6 vite edhe në shkollën shqipe "Nëna Terezë" në qytetin Ski. Ai punon me shumë përkushtim me nxënësit, duke pëcjell tek ata mesazhin e Rilindasve shqiptarë, për të mos e harruar as për një të vetmin çast Atdheun, për ta dashur e mësuar sa më mirë gjuhën shqipe dhe për ta vizituar sa më shpesh që është e mundur vendlindjen e tyre. Ndër vite ka përgaditur dhe udhëhequr me përkushtim programet kulturore artistike para mërgatës shqiptare në Oslo e rrethinë. Me korin e nxënësve të që të dy shkollve, kanë kremtuar festat kombëtare, (28 Nëntori - Ditën e Flamurit; Dita e Mësuesit 7 Marsi; 17 Shkurti - Pavarësia e Kosovës); i ka përgaditur nxënësit edhe në kuize diturie ku ato kuize kanë pasur frymë të shëndoshë garuese mes vehte dhe disa herë vet i ka shpërblyer.
Në viti 2005 është pranuar anëtar i Lidhjes së Shkrimtarëve të Kosovës si dhe anëtar i Lidhjes së Shkrimtarëve Shqiptar në Norvegji më 2011, themelues i të cilës është dhe kryetar i parë i saj në dy mandate; anëtar i LSHAKSH në Gjermani, 2012 dhe i Lidhjes së Krijuesve Shqiptar në Botë, 2013. Emri i tij është i përfshirë dy herë në Kalendarin Historik të Botës Shqiptare në Radio Tirana dhe në leksikonin e shkrimtarëve shqiptar, (1501-2001), nga autori Hasan Hasani. Disa nga poezitë e Imri Trenës janë të përkthyera dhe botuara në antologji letrare në gjuhët norvegjisht, suedisht, anglisht e rumanisht si: "Etja e fjalëve" - Setea Cuvintelor"2012, "Zjarr i pashuar" - Foc nestins",2012, grup autorësh, përkthyer nga Baki Ymeri në Bukuresht; "Një shekull dritë", përgatitur nga Hasan Qyqalla, "Trinomi i Lirisë", autorët Neki Lulaj e Hasan Qyqalla, 2012 nga LSHAKSH, në Gjermani,"Promenadë mërgimtare" nga LSHSHM 2014; "Mera sol åt Norge"(libër i përkthyer në gjuhën suedeze) 2016; "De vite natterna"(vëllim poetik i përkthyer në gjuhë suedeze) 2018 etj.
 

Deri me tani ka botuar këto vepra:

MAJLINDË TRENA-JASHARI

    Majlindë Trena - Jashari, u  lind  më 18 Maj të vitit 1985
në fshatin Gërlicë, (Gurëz), komuna e Ferizajt. Shkollën filloree kreu me sukses të shkëlqyeshëm në fshatin Komogllavë pa asnjë mungesë edhepse udhëtoi nga 14 kilometra për çdo ditë. Ishte  ndër  nxënëset  më të mira në shkollë e njohur për njëra ndër vatrat me kolektiv më të vyeshëm në tërë Kosovën Valet e pameshirshme te jetes e perplasen ne Norvegji ku jeton dhe vepron që nga viti 1999-të.

     Në Ås kreu shkollimin e mesën dhe në Ski, drejtimi për ekonomi dhe biznes e më pastaj shkollën e lartë për teknike të medicinës. Për momentin punon si teknike në një klinikë dentare në qytetin Ski. Majlinda Trena merret edhe me shkrime, ajo tashmë ka nxjerrur në dritë veprën e parë me titull "Larg Atdheut" në vitin 2007 nga shtëpia botuese "Doruntina".
    

      Majlinda një kontribut të pashterrshëm i dha radio Zërit të Arbërit dhe radiostacionit regjional Radio Follo në gjuhën norvegjeza me mijëra programe të realizuara gjatë këtyre viteve. Ishte dhe mbetet realizatore e parë e që të dy mediave, por jo vetëm kaq? Majlinda ka udhëhequr dhe realizuar vetë njëkohësisht qindra programe në gjuhën norvegjeze dhe gëzon tek stafi i kësaj radioje një rrespekt të vecantë. Edhe redaksia e programit shqip i uron shëndet e suksese dhe e falënderon për mundin dhe kontributin e saj të pakursyer që e filloi si adoleshente në këtë medium. Eshte autore e pare e emisionit "Top Lista" i cili emision vazhdon te emitohet ende ne valet e Radio Zeri i Arberit.
 

SHEMSIE TRENA

       U lind me 16.07.1964 në fshatin Komogllavë të Ferizajt.
Shkollën fillore e kreu në vendlindje, ndërsa të mesmen drejtimi
i Biologji në Ferizaj. Dy vite studjoi në Fakultetin e Bujqesise në
Prishtinë.
       Me 30 maj të vitit 1999 migroi në Norvegji bashkë me familje
ku jeton dhe vepron edhe sot. Punon si mesuese e gjuhes shqipe
dhe asistente e nxenesve norvegjez në shkollën fillore të qytetit
Vestby.
       Prej ditës së parë të themelimit të Radio Zerit të Arberit, nuk
iu nda bashkëshortit Imriut në përgatitjen e programeve.
Nga 28 Nëntori i vitit 2010 filloi punën edhe si moderatore e disa
programeve si:"Mikrofoni i dëshirave tuaja", "Femra shqiptare ndër
vite"... Është edhe realizatore e moderatore edhe e emisionit
"Top lista e radios" me z. Ali Rexhepi.

LIRIDON TRENA

AFRIM ALIU

Inxh.z.Afrim Aliu, i cili që nga fillimi i emitimit të të programit të Radio "Zëri i Arbërit" në internet, s`u  kursye natë e ditë në mirëmbajtjen
dhe evitimin e pengesave teknike gjatë transmetimit të programeve.
Afrimi është shumë meritor që zëri autokton shqip pushtoi tërë globin
ku ka shqiptar; edhe në Zelandë të Re, Autrali, Kanadë, Amerikë, .Evropë e trojet shqiptare tash afro dy dekada...Faleminderit miku Afrim! (Imri Trena)